Andreas Mihavecz

Andreas Mihavecz yindvodza yase-Austria levela eBregenz lenemlandvo wekuphila sikhatsi lesidze ngaphandle kwekudla nobe kunatsa emanti. Kuhlupheka kwakhe kubhalwe ku-Guinness World Records.

Ngenyanga yeNdlovu emnyakeni wa 1979, Mihavecz lobekaneminyaka lelishumi nesiphohlongo budzala waboshwa wafakwa esitokisini ngeliphutsa kantsi waphindze wakhohlwa ngemaphoyisa lamatsatfu labemnakekelako. Ngamunye wabo bekacabanga kutsi laba labanye lababili besebavele bakhulule Mihavecz. Baphindze bangatinaki ticelo tamake wakhe lobekakhatsatekile, lobekakhatsateke ngaloko lobekungenteka endvodzaneni yakhe.

Njengobe sitokisi sakhe sasisesakhiweni sangaphansi, kute lobekakhona kuva kukhala kwakhe. Wasindza ngekunatsa emanti lahlanganisiwe lasuka elubondzeni kantsi wagcina ehle ngemakhilogremu langu-24. Ngemuva kwemalanga lalishumi nesiphohlongo mhlaka 19 Apreli, siphatsimandla lebesinesitolo lesingahlobene naso savula sitokisi sakhe ngemuva kwekubona liphunga lebeliphuma kuso. Mihavecz watsatsa emaviki lambalwa kutsi aphile kahle.

Ecaleni lebugebengu lelandzelako, lamaphoyisa lamatsatfu asolwa. Ekugcineni, bahlawuliswa imali lelingana na-EUR 2000 njengoba bekute bufakazi bekunganaki bugebengu nobe kutsi ngubani lobekafake licala. Ngemuva kweminyaka lemibili, inkantolo yemphakatsi yaniketa Mihavecz ema-shillings ase-Austria langu-250,000 (~19,000 EUR) njengesincephetelo.

Licala laMihavecz laphindze lafakwa eluhlelweni lwekucala lwencwadzi yaseJalimane yetinganekwane tasemadolobheni, njengendlela levusetelwe yetinganekwaneni temaJalimane tasendvulo temlimi lowaliwe ejele lalabo labakhokhwa tikweleti.