Kubamba letingelako
Kuhluta sihloko enovelini kubamba letingelako
hlelaLesihloko sakheke ngemagama lamabili "Kubamba letingelako". Sicambeke ngesisho lesitsi kuphumelela loyo latimiselako noma laphikelelako enfweni layifunako. Lesihloko siyahambelana nalenoveli letsi Kubamba letingelako, ngoba sitfola umlingisi lomcoka lokunguMphikeleli aphikelela etifundvweni takhe wate waphumelela ekugcineni.
Kuhluta singeniso enovelini Kubamba letingelako
hlelaImogomo yekuhluta singeniso
hlela- Singeniso asibe sifisha.
- Singeniso asihehe.
- Singeniso asivete umlingisi lomcoka.
- Singeniso asisivetele sibekandzaba ngalokufisha.
Lesingeniso salenoveli Kubamba letingelako sifisha, siyaheh futsi sisivetela umlingisi lomcoka lokunguMphikeleli nenkhinga yakhe labukene nayo yekuhamba afuna indzawo yekufihla inhloko lapho angena ekhaya kaTsabetse, Kashongwe, kanye nakaMvakali kepha akamenge alutfole lusito. Umbhali usivetele sibekandzaba ngalokufisha lokusimonhlalo lapho Tsabetse akhombisa kungamnambitsi kuMphikeleli ngalesikhatsi acela indzawo yekufihla inhloko, fitsi akamange amsite kulesicelo sakhe. Umbhali uphindze wasivetela simonhlalo lesihle lapho Mphikeleli naMatsiya Nyoni bahlalisenekahle ngoba Matsiya wakhona kumncedza kuMphikeleli kutsi atfole indzawo yekufihla inhloko. Lesingeniso siyaheha ngoba sitfola lilukuluku lekuchubeka siyifundze kute sitotfola kutsi ngabe yin imbangela yenzondvo lanayo Tsabetse ngaMphikeleli.