Kwaluseni
Kwaluseni yinkhundla ye Eswatini, leseSigodzini sakuManzini . Linani lebantfu labaphila khona kusukela 2007 kubalwa kwaba 41,780.Lendzawo yase Kwaluseni ke Ihlukaniswe yaba imiphakatsi lemibili :
Sigodzi saKwaluseni (Inkhudla) sisenkhabeni ye-Eswatini futsi sinendzawo lengemakhilomitha sikwele langu-28.45. Cishe ihhafu yayo ngumhlaba wesive semaswati (communal) kantsi cishe yonkhe incwadzi yebunikati bendzawo itfolakala kuMasipala wakuMatsapha.
Kukhona imiphakatsi lemine ngaphakatsi kwalenkhundla ye Kwaluseni, lokufaka ekhatsi, Mbikwakhe, Kwaluseni, Mhlane, kanye ne Logoba. Tonkhe tindzawo tekuhlala letingakahlelwa tisendzaweni leseceleni kwemadolobha ngaphakatsi kwemhlaba wesive saseSwatini.
Lenkhundla yase Kwaluseni iphindze yatiwe njengelikhaya leNyuvesi yase-Eswatini leyikhampasi lenkhulu yalenyuvesi. Kukhona naletinye tikhungo temfundvo lephakeme letitungelete lenkhundla. Kukhona sikhungo sekulawula intfutfuko (IDM) kanye neGwamile Voctim. Kuphindze kube netikolo letiningi temabanga laphansi nalasetulu ( tesive kanye naletiyimfihlo), lokwenta iKwaluseni ibe yindzawo yebantfu labasha nalabafundzile futsi iniketa umoya lonemdlandla.
Lendzawo lebitwa ngekutsi nguMatsapha nayo ikhona ngephansi kwenkhundla yase Kwaluseni . Kuba khona kwalelidolobha lemkhicito kuniketa emaswati ematfuba emsebenti futsi kube nesandla ekukhuleni kwalendzawo. Linani leliphakeme lebantfu liyafuduka kusuka etindzaweni tasemakhaya kuya endzaweni leholela ekubeni nebantfu labanyenti. Lidolobha lakuMatsapha lichazwa kuMtsetfo wahulumende wasedolobheni wanga 1969 njengoba washicilelwa nga 2012 futsi lifaka indzawo lecishe ibe ngemahekitha langu 2000. Lendzawo yasungulwa njengendzawo yetimboni nga 1965 futsi yabhalwa ngalokusemtsetfweni nga 1969.
Matsapha wacala ngefemu yemabhokisi emakhadibhodi ngemnyaka wa 1960s. Namuhla seyidzawo lakutfolakala khona emafemu lamaningi Eswatini, lamanye awo lasetjentiselwa nnjenge tindzawo tekugcina tintfo kanye nemahhovisi ekusebenetela.
Likhaya letikapane letihamba embili kakhulu njenge Conco, sitjalo se Coca Cola concentrate kanye femu yetimphahla, nemkhiciti wetingubo locasha bantfu labangetulu kwa 1250.
Letinye tinkapane letiphawulekako yi Macmillan Swaziland, umshicileli lohamba embili kulelive kanye nemphakeli wetincwadzi tekufundzela esikolweni, kanye netinatfo tase Eswatini Beverages letikhicita tiphuzo letinongotelako kanye netjwala.
Lidolobha laku Matsapha liphindze libe sikhumulo sesitimela letichamuka Goba railway, lekusiporo sesitimela lephindze ihlanganise lidolobha lase Sphofaneni emphumalanga. Lokunye lokutfolakalako sikhumulo setindiza semhlaba wonkhe sase Matsapha.
Ngaphandle kwelidolobha lwemkhicito, kunetindzawo letinyenti temabhizinisi letiphetfwe bantfu, kanye nemabhizinisi lasemtsetfweni nalangakahleleki. Kukhona tindzawo tekudla, ema salon, titolo, tindzawo tekugeza timoto, tindzawo lapho umuntfu angaya khona kute atijabulise futsi aphumule, kusho letimbalwa.
Ekhayeni Chillaz yindzwo yekutichaza lethandwako leyingulenye yetindzawo letitsandvwako tekutijabulisa leme kubukana nenyuvesi yase Eswatini, ekhempasi yaseKwaluseni .
Ngenca yekuba khona kwetikhungo tetemfundvo, indzawo yetimboni kanye nematfuba ebhizinisi lendzawo yeKwaluseni kungunyalo seyinebantfu labanyenti. Linani lelikhulu lemagumbi laqashisako liyakhula ngekushesha.
Kwaluseni nyalo seyitsatfwa njengendzawo leseceleni kwemadolobha ngoba ikhombisa timphawu tetindzawo tasemadolobheni nasemaphandleni. Kubalwa kwebantfu kanye netindlu kwa 2007 kwalinganiselwa kutsi bantfu labangu 60,064 (lokwaholela ekutseni kube nebantfu labangu 2,104 ngesikwele sekhilomitha. Loku kumele kwenyuka nga 44% uma kucatsaniswa nebantfu ba 2007 labangu 41.780.
Linani lebantfu labahlala kulendzawo yase Kwaluseni kulinganiselwa kutsi bangu- 48,467, lokumele ngetulu kancane kwa-80% wabo bonkhe bantfu besifundza.Kubalwa kwebantfu kwamuva kukhombise kutsi iKwaluseni ibhalise liphesenti leliphakeme lebantfu labaneminyaka lengu-18 kuya etulu(70.5%).
Lendzawo yemkhicito yakuMatsapha kanye nemhubhe wakuManzini naseMbabane wetemnotfo ngumazibuthe lomkhulu webantfu lababuya kulamanye emave labavela etindzaweni letisemaphandleni letikhashane kanye nalamanye emadolobha lamancane kanye netindzawo letisemaphandleni.
Kukhula ngekushesha kwebantfu, kanye nekwandza kwemakamelo laqashisako kuholele ekutseni kube netingcinamba letinyenti. Ingcinamba lenkhulu kulawulwa kwemfucuta lekuyingcinamba lenkhulu ngoba inemtselela lomubi emvelweni nasemphilweni yebahlali. Kuphatfwa kwemfucuza yinchubo yekubutsela ndzawonye, kutfutsa, kucubungula, kuphindze usebentise noma kulahla imfucuza.
Letinye tinsayeya kukhula kwelizinga lebugebengu kanye nebugwadla. Muva nje Kwalusenti bashaye tihloko tetindzaba ku ESwatini observer batsi kune Surge yekutseleleka lokusha kweligciwane lesandulelangculazi futsi yindzawo leshisako yekusakateka kweligciwane lesandulelangculazi e Eswatini.