Lulwimi kanye nemtsetfo

Lulwimi kanye nemtsetfo ngumkhakha losandza kusungulwa kulelive lakitsi. Lomkhakha wandze kakhulu emaveni aseNshonalanga lapho lucwaningo selwentiwe kakhulu mayelana nekusetjentiswa kwelulwimi emkhakheni wetemtsetfo. Nanobe kunjalo, lomkhakha ungumkhakha usatfutfuka kuleli langaneno kantsi yinkhulu inshisekelo kubantfu yekwati kabanti ngawo. Lena yindlela lesita kakhulu emacaleni layiswa etinkhundleni temtsetfo lapho lulwimi luba yinkhinga ekushusisweni kwemacala. Kusetjentiswa kwelulwimi etinkhundleni temacala kubalulekile kakhulu ngobe kwenta kutsi kuhanjiswa kwemacala etinkhundleni temtsetfo.

Kubaluleka kwelulwimi kanye nemtsetfo kwenta kutsi emacala laletfwa etinkhundleni temtsetfo aculwe ngaphandle kwekubukela phasi lulwimi lwalabo lokuculwa emacala abo. Kuphindze futsi kusite bashushisi, bomantji kanye nemajaji etinkhundla temtsetfo ngesikhatsi kuculwa emacala.