Rebecca Malope
Batsogile Lovederia "Rebecca" Malope (watalwa mhlaka 30 Inhlaba 1968) ngumculi we gospel wase Ningizimu Afrika.[1] Watiwa ngekutsi "yiNdlovukati yemaVangeli"[2].[ Umsebenti wakhe wekuhlabela utsatsa iminyaka lengetulu kwemashumi lamatsatfu. Sekutsengiswe ema-albhamu latigidzi letingu-10 mhlabawonkhe, lokumenta abe ngumunye webaculi labatsengisa kakhulu belivangeli. Linyenti lalama-albhamu lamashumi lamatsatfu nesitfupha latikhiphile afinyelele esigabeni se-multi-platinum.
Bekabamba umbukiso wakhe wethelevishini, It's Gospel Time, emkhatsini wa 2004 na 2019[3]. Nga 2013 bekangulomunye webameli be Clash of Choirs South Africa. Ngemnyaka wa 2021, Mengameli Cyril Ramaphosa wamniketa i Order of Ikhamanga (OIS), ngekusebenta kwakhe lokukhulu emculweni wase Ningizimu Afrika.
Umsebenti
hlelaUmsebenti wakhe wekuhlabela wacala nga-1984. Ngesikhatsi aneminyaka lelishumi nesitfupha budzala yena kanye nasisi wakhe Cynthia bashiya likhaya labo eKanyamazane, dvutane ne Nelspruit, bahamba emakhilomitha lamakhulu lamane kuya e-Evaton, base bafika eGoli. Ngemnyaka wa 1985, Malope wangenela umncintiswano wethelevishini iShell Road to Fame nelicembu lakhe, kepha bacoshwa kumjikelo wekucala walomncintiswano[4].
Nga 1986, wahlangana na Sizwe Zako e Gallo Studios. Bekamkhumbula ngesikhatsi ahluleka kuhlolwa. Zako bekacabanga kutsi ngekucondziswa nguye Malope bekangawina i-Shell Road to Fame lapho bekumele angenele umncintiswano njengemculi lowenta yedvwa. Ngemnyaka wa 1987, Malope wakwenta loko waphindze wawina iShell Road to Fame esigabeni se Female Vocalist ngengoma yeliVangeli "Shine On", lebeyinikelwe etinkingeni tepolitiki ngesikhatsi seLubandlululo eNingizimu Afrika.Nanobe ancobe i-Shell Road to Fame, watfola bumatima ekutseni atfole inkampani yekucopha. Ekugcineni waniketwa inkontileka yekucopha yi-MFM kodvwa watjelwa kutsi umculo we-gospel awuvumelekile. Bekaphocelelwa kutsi adlale tingoma te-disco kute atsengise emarekhodi ekucudzelana naBrenda Fassie, Yvonne Chaka Chaka kanye naMercy Phakela lebebangemacembu lamakhulu ebantfu besifazane ngaleso sikhatsi.[5]
Sizwe Zako wacinisekisa baphatsi be MFM kutsi bafake ingoma yinye ye gospel ku-albhamu yekucala ya Malope, Sthembile Kuwe. Lengoma yamukelwa kahle kunetingoma te-pop kule-albhamu. Ngemnyaka wa 1989, Malope wakhipha ema-albhamu lamabili, Thank You Very Much kanye ne Woza Lovey. Totimbili letincwadzi tafika ezingeni le-platinum. Nga 1990, Malope wakhulula Buyani. Ingoma letsi "Buyani" yayinikelwe bantfu labebabona njengemaqhawe emzabalazo, ikakhulu Nelson Mandela lowakhululwa ejele lase Robben Island ngemnyaka lofanako. Lelicembu lafinyelela ku-platinum kabili futsi Malope wawina i-Best Female Vocalist ku OKTV Awards, washaya Brenda Fassie. Ngemnyaka wa 1991, wakhipha li-albhamu lakhe lekugcina lelibitwa ngekutsi yi Saturday Nite. Njengema-albhamu lambalwa lalandzelako, bekafaka tingoma telivangeli letintsatfu.[6]
Imitfombo lwati
hlela- ↑ Priscillah Mueni (30 April 2019). "Rebecca Malope biography, childhood, career, best songs, and pregnancy". briefly.co.za.
- ↑ Rebecca Malope and Benjamin Dube crowned queen and king of African gospel music". News24. Retrieved 12 November 2018.
- ↑ Rebecca Malope revela seu homem para o mundo". Sabc2.co.za. Retrieved 3 November 2017
- ↑ Sahoboss (17 February 2011). "Rebecca Malope". South African History Online. Retrieved 29 October 2018
- ↑ Rebecca Malope | Biography & History | AllMusic". AllMusic. Retrieved 29 October 2018.
- ↑ Gospel digest – March 09, 2011". Independent Online. South Africa. Retrieved 17 October 2014