THOMAS GIVON

UMLANDVO

Thomas Givon, bekangumhleli welulwimi kanye nembhali. Bekangulomunye webasunguli be "West Coast Functionalism", namuhla lehlukaniswe njengemodeli yelulwimi lolusekelwe ekusetjentisweni, kanye nelitiko letilwimi enyuvesi yase-Oregon. Givon T bekasekela imfundziso yekutigucukela kwemvelo yelulwimi kanye nekukhulumisana. Ngekwemfundvo Givon T watfola i-Bachelor of Science degree cum laude kutekulima e-Hebrew University of Jerusalem nga-1959. Watfola i-Master of Science ku-horticulture nga-1962, i-C.Phil ku-Plant Biochemistry, i-Master of Arts degree in linguistics nga-1966, kanye ne-PhD ku-linguals nga-1969, kanye nesitifiketi se-TESL nga-1965. Ngemnyaka wa-1966 Givon T wacala kusebentela i-System Development Corporation njengemcwaningi losebenta ngematheksthi. Ngemnyaka lolandzelako waya eNyuvesi yaseZambia wayocwaninga ngetilwimi tase-Afrika. Nga-1969 waba nguthishela we-University of California e-Los Angeles lofundzisa tiLwimi tase-Afrika. Wakhushulelwa esikhundleni sekuba nguthishela lomkhulu nga-1974 futsi waba nguphrofesa lophelele nga-1979. Nga-1981 watfutsela eNyuvesi yase-Oregon njengemphrofesa wetilwimi kwate kwaba ngu-2002 lapho aba khona nguPhrofesa Wekucala weLulwimi neSayensi Yekucabanga.

EMAGALELO

Umsebenti waGivón wekugcina lobewucondzene nelulwimi kwakungu-Genesis of Complex Syntax: Diachrony, Ontogeny, Cognition, Evolution. Sebenta ngetilwimi Umsebenti wakhe uhlanganisa tindzawo letinengi telulwimi (i-Semitic, i-Afrika, i-Amerindian, i-Austronesian, i-Papuan, i-Sino-Tibetan, i-Indo-European), kanye netindzawo letinengi temibono yelulwimi: (syntax, semantics, pragmatics, kutfolakala kwelulwimi lwesibili, pidgins kanye ne-creoles, inkhulumomphendvulwano kanye nemibhalo yelulwimi, indlela yekusebentisa kanye nefilosofi yesayensi, ifilosofi yelulwimi, luhlobo kanye nelulwimi jikelele, kuhlelwa kwelulwimi kanye nesakhiwo semlandvo, isayensi yengcondvo, kuvelela kwelulwimi). Thomas givon wenta lucwaningo ngetigaba temabito watfola kutsi tihamba ngatimbili asitimeli sodvwa.

IMITFOMBO YELWATI

https://brill.com/display/book/edcoll/9789004368897/BP000005.xml