TINKHONDLO

TINKONDLO

Ingabe yini inkondlo?

Inkondlo ngumbhalo lotjengisa buciko lobukhulu besakhiwo kanye nekusetjntiswa kwelulimi. Umnuntfu lobhala tinkondlo ubitwa ngasonkondlo. Sonkodlo uma abhala ikondlo uyibhala asebentise buciko , futsi unelikhono lekusebentisa lulwimi ngalokwetiyile kaye nekwakha imifanekiso engconvweni kuze aphindze atsitse imiva yetfu ngendlela letsite. Bayakwati futsi kuhlobisa lulwimi ngetinongonkhulumo kuze kutsi imicondvo labayibekako kanye nengcikitsi yalabakushoko nalabakuhlosile kuvele kuleyo mibhalo ngaphadle kwekuchaza kabanti.

Njenagasosonkhe sifundvo, inkondlo inetakhiwo letitsite.

Sakhiwo sangaphandle - lapha kulapho siftola khona takhiwo lesitibona ngemehlo.

✖ Tindzima - indzima yenkhondlo yakhiwa migca yona leyakhiwa ngemagama. Loku kubitwa ngekutsi iphethini yenkhondlo.

✖ Imvumelwano - kufana kwemalunga emigceni lemibili lelandzelanako. Emalunga angaba ekucaleni nobe ekugcineni kwemigca.

✖ Luchumano - kufana kwemagama ekucaleni kwemigca lemibili, emkhatsini nobe ekugcineni kwemigca lemibili lelandzelanako.

✖ Sidvonsamoya / Siphumuti - lencenye itfolakala emkhatsini wemugca. Kunesidvomsamoya sekholoni nesesemikholoni.

✖ Sicedzelelamcondvo - lapha umcomdvo lowetfulwa mugca awupheleli kuwo uphelela emgceni wesibili nobe wesitsatfu. Khumbula kwekutsi umugca akusiwo umusho.

✖ Imphindvwa - Kufana kwemigca ekucaleni kwetindzima letilandzelanako nobe ekugcineni kwato.

✖ Imphidza - Kuphindzaphindza ligama emgceni nobe endzimeni.

✖ Sifutamsindvo - kufanana kwemsindvo egameni linye. Imisindvo ifutene ibiteka ngendlela yinye.

✖ Sifanamsindvo - Lapha-ke kufana kwabongwaca elungeni lekucala emagameni lekakhe umugca munye.

✖ Sifanankhamisa - loku kufana kwabonkhamisa emagameni lakha umugca.