Umlandvo wa j.j thwala

UMLANDVO

Dokotela Jozi Joseph Thwala, lowatiwa ngekutsi nguJJ, uhlonishwa njengendvodza leyetayelekile kutemfundvo letawukhunjulwa ngendzima layidlala ekutfutfukiseni umbono weNyuvesi yaseMpumalanga (i-UMP) njengayinye yemanyuvesi lahamba embili e-Afrika. Thwala, umbhali lohlonishwako wetincwadzi tesiSwati, ushone ngeLisontfo leliphelile aneminyaka lengu-62. Ngesikhatsi akhuluma emngcwabeni wakhe, umholi weluhlelo lwe-BA e-UMP, Dokotela Nonzwakazi Maqubela, wachaza Thwala njengencola lebeyisebenta kahle leyafa ngekushesha yashiya sikhala lesikhulu. Maqubela wachaza kushona kwaThwala njengekulahlekelwa lokukhulu lokwehlela inyuvesi ngesikhatsi lebesingakalindzelwa.

Ngekusebentisana nelicembu lakhe, Dkt Thwala uphumelele ekutfutfukiseni luhlelo lwe-BA honours lolutawuniketwa nga-2022. Kulindzeleke kutsi aphindze acondzise kutfutfukiswa kwemasters kanye ne-PhD ngesiSwati nga-2023 na-2024. utsi tintfo letinhle betiseta kuye kantsi neyunivesithi bese ilahlekelwe yintfo lenkhulu kuye.

LIGALELO

Umbhali wetincwadzi dokotela Jozi Joseph Thwala lowatiwa ngekutsi ngu JJ Thwala longasekho emhlabeni, uchazwe njengemcwaningi nome umfundzisi lobekatiniketele kakhulu ekutfutfukisweni kwelulwimi lwesiswati. Ngekusho kwa Elphas Mhlanga lobekangumbhali wetincwadzi tesizulu utsi JJ Thwala wabhala tincwadzi letinyenti tesiswati letifaka ekhatsi “Kwasibekela emafu- Inoveli”, “Lami lingumncamulajucu-Umdlalo”, “Kwahlwa Emini-Umdlalo”, “Umtsimba-Umdlalo”, buciko bemlomo kanye naletinye esizulwini. Emagalelo akhe abonakale kakhulu etinkondlweni, etindzabeni letimfishane naselucwaningweni. Abengumhumushi wetincwadzi nembhalo yeminyango yembuso lehlukene. Abephindza abe ngumhluti wetincwadzi, emaphephandzaba, kanye nemaphephabhuku lahlukene.

Thwala ufake ligalelo lelikhulu elwatini lweSiswati ngekushicilelwa kumaphephabhuku avelonkhe newemave ngemave. Wabhala tincwadzi letinyenti ngesiSwati, lokufaka ekhatsi tindzaba letimfishane kanye netinkhondlo letisasetjentiswa etikolweni letehlukahlukene talesigodzi