Babhaki (bakery)

I-Bakers Limited, leyatiwa ngekutsi yi-Bakers, yinkampani yase Ningizimu Afrika lekhicita tinhlobonhlobo temabhisikhi lanongotelako.

Bakers Limited

Lifayela:Bakers Logo.png
Type	Private
Industry	Food manufacturing
Genre	Bakery
Founded	1851 (1851)
Founder	John Michael Leonard Baumann
Headquarters	Johannesburg, South Africa
Area served	South Africa
Products	Biscuits
Website	http://www.bakers.co.za

Bakers uyincenye ye-National Brands Limited, inkampani ye-FMCG leyincenye yenkampani yaseNingizimu Afrika i-AVI Limited. Imikhicito yekubhaka yentiwa eThekwini, ePitoli, naseJozi.

Umlandvo

Lenkapani yacala ngesikhatsi John Frederick Baumann asuka eNgilandi aya eNingizimu Afrika, lapho khona ngo 1851 aneminyaka lengu 26 budzala wasungula indzawo yekubhaka kudla kanye nesinkhwa eThekwini, eBritish Colony yaseNatal (nyalo lesifundza saseNingizimu Afrika). Ngemnyaka wa 1879, Baumann wavakashela eLondon lapho ahlangana khona nemshana wakhe, John Michael Leonard Baumann, wamkhutsata kutsi atfutsele eNingizimu Afrika. J. M. L. Baumann bekashiye lidolobhana lakubo e-Niederstetten, eJalimane aneminyaka lengu-16, wase utfutsela eLondon lapho asebenta khona njengemsiti webabhaki ngaphambi kwekutsi atfole ibhizinisi yakhe yekubhaka.

J. M. L. Baumann wafikaeThekwin i ngemnyaka wa-1881 wase ujoyina ibhizinisi ya malume wakhe yekubhaka kanye nekudla. Ngemuva kweminyaka lembalwa ngesikhatsi kucasha lendzawo yabo sekuphelile, J. M. L. Baumann watsenga indzawo yekubhaka kumalume wakhe. Watsenga indzawo ekoneni le-Brickhill Road ne-West Street, lapho akha khona sakhiwo lesincane. Ngemnyaka wa 1885 Baumann watsenga umshini we-biscuit losetjentiswa ngesandla ngemali lengu-£65 (emaphawundi) kulomunye umbhaki, Plowright. Lomshini wakhicita emabhisikhi 'labomile' labekatsengiswa emikhunjini nasetindzaweni temabutfo.

Ngemnyaka wa 1895 Baumann watsenga umshini we-biscuit wase ucala kwakha 'emabisikhi lamahle' lafana ne-Ginger Nuts kanye ne-Marie. Washicilela luhla lwakhe lwekucala lwetindleko waphindze wasebenta ngaphansi kweligama lelitsi L. Baumann & Co. Lefektri yasindza ekuvukeleni kweJalimane nga-1915 ngesikhatsi sitolo kanye nesinkhwa kanye nemakhekhe kwashiswa. Ngaleso sikhatsi, le-biscuit factory beyikhicita ema-biscuit emabutfo, futsi emadvodzana lamabili a-JML Baumann abelwa nemaJalimane eNingizimu Nshonalanga ye-Afrika (nyalo iNamibia). Lefekthri yabekwa ngaphansi kwesivikelo sahulumende kwentela kuvikela umonakalo lowengetiwe.

Ngenca yemcondvo wekuphikisana nemaJalimane nga-1915, ligama lenkampani lashintjwa lisuka ku-Baumann's laya ku-Bakers Limited. Ngemnyaka wa 1918 indvodzana yaBaumann, William, wavula ifektri ye-biscuit eKapa, lelibhizinisi labhaliswa nga-Okthoba 1918 njenge-Selected Products Ltd, lebeyibitwa ngekutsi yi-Baumann's Biscuits. William watsengisa lenkampani emuva ku-Bakers Limited nga-1922 kepha wachubeka nekusebentisa lenkapani njengencenye lencane.

Ngasekucaleni kwemnyaka wa 1930, bantfu labacishe babe ngu-200 bebacashwe kantsi i-catalogue yemnyaka wa-1935 yabala imigca leyehlukene ye-biscuit lengu-240. Ekucaleni emabhisikhi bekagcotjwa angakabekwa emathinini futsi lenkampani beyilungele kukhokha imali lencane ngemali lengenalutfo.

Lenkapani yacala kusebentisa emaphakethe lanemaphepha lamabili: lelinye bekuliphepha lelibovu lelibhaliwe le-Bakers bese lelinye lilayini lelisekhatsi bekuyi 'sikhumba setibhidvo letihlantekile'.

Ngo 1968 i-Bakers Ltd yasungula ifektri e-Isando eTransvaal. I-Bakers Ltd yasungula ifektri lensha ePinetown, leyacala kusebenta mhlaka 6 Disemba 1972. Ngemnyaka lolandzelako lenkampani yavala imisebenti yayo eThekwini yase iyahlanganiswa efektri lensha yasePinetown. Ngemnyaka wa 1977 iBakers Ltd yakha ifektri lencane, i-Lexim (Pty) Ltd, e-Butterworth, e-Transkei.

Ngo 1981 lenkampani yatsengwa yi-Anglovaal Industries Limited (AVI). Ngemnyaka wa 1993 i-AVI yatsenga iPyotts Pty Ltd, umkhiciti wemakhekhe lanongotelako, kwatsi ngemnyaka lolandzelako yahlanganisa letinkampani ngaphansi kwesihloko lesitsi, Associated Biscuits.

Ngemnyaka wa 1996 i-Associated Biscuits yahlanganiswa yaba yi-National Brands Limited.

Ngo 2014, Bakers wangena emakethe yekudla kwasekuseni, wavula emabhisikhi e-Bakers Good Morning Breakfast.

Imikhicito

Tinhlobo temabhakede lanongotelako tifaka ekhatsi:

• Imibono
• Salticrax
• Ema-cream Crackers
• Ema-kips
• Ema-cheddar lamancane
• Wheatsworth

Tinhlobo tebakers sweet biscuit tifaka ekhatsi:

• Betta Snack (whole wheat digestive biscuits)
• Romany Creams
• Tennis
• Boudoir
• Strawberry Whirls
• Iced Zoo
• Topper
• Choc-Kits
• Blue Label (Marie biscuits)
• Red Label (Lemon Cream, Strawberry Cream, Vanilla Cream, Choc Cream)
• Good Morning Breakfast biscuits
• Ginger Nuts
• nuttikrust

Ema-link langaphandle

• Official website