Simunye

Simunye lidolobha lekugaya shukela lelisendzaweni lephansi emphumalanga ye-Eswatini . Cishe bonkhe bahlali balelidolobha basebentela umshini wekukhicita shukela we Royal Eswatini Sugar Corporation 's loseceleni kwalapho.

Lelidolobha lisendzaweni lecishe ibe 30 kilometres (19 mi) eningizimu yekwewela umnyele kuya eNingizimu Afrika (lendzawo yekwewela umncele yatiwa ngekutsi yi Bordergate ngaseceleni kwe Eswatini kanye ne Mananga ngase Ningizimu Afrika) kanye 20 kilometres (12 mi) kusuka lapho kwewela khona umncele kuya eMozambique (leyatiwa ngekutsi yiLomahasha nawungase Eswatini kantsi yatiwa ngekutsi yi -Namaacha nawungase Mozambique).

Ilele kancane enshonalanga yetintsaba taseLubombo, cishe 55 kilometres (34 mi) enyakatfo-mphumalanga yeSiteki . Lelidolobha ngekwemhlaba lingu 22 kilometres (14 mi) nenyakatfo-ntshonalanga ye Mhlumeni emnceleni wase mphumalanga, kepha ngenca yeluhlu lwetintsaba kungenteka kutsi lishesha 100 kilometres (62 mi) ngemgwaco lophambukela eningizimu ngeSiteki .

Lelidolobha likhaya le Royal Leopards FC I RSSC United FC lekuyi yikilabhu yebhola leyaba ngumphumela wekuhlanganiswa kwe Mhlume United ne Simunye FC.

Lelidolobha leliyincenye ye RESC Estate, linetikolwa letinyenti kanye netikolo tebantfwana labancane. Sikolwa sekulungiselela saseThembelisha ngiso kuphela sikolwa sePrimary lesingasese. Timbili tikolo temabanga laphansi letisitwa nguHulumende, sikolwa seNgomane primary kanye ne Lusoti Primary school. Kanjalo-ke, kuneTikolwa Letiphakeme letimbili, Sikolwa Lesisetulu saseNgomane kanye neSikolwa Lesisetulu saseLusoti. Tikolo temaLusoti tikhona khona lapho kulelidolobhakati, kantsi tikolo temaNgomane tingemakhilomitha 23 kilometres (14 mi) kudze.