Wikipedia

Siya kolisi

Siyamthanda "Siya" Kolisi , (watalwa 16 June 1991)[1] ngumdlali we rugby union wase Ningizimu Afrika. Esikhatsini lesengcile wadlalela emaStormers kanye nemaSharks eNingizimu Afrika, kwanyalo udlalela iRacing 92 eFrench Top 14. Uvame kudlala njenge sidlali lesiseceleni kanye nemdlali longembili. Nga 2018, Kolisi wakhetfwa kuba ngukapteni wema Springboks, waba ngumuntfu lomnyama wekucala kubamba lesikhundla wagcina aholele licembu laseNingizimu Afrika le Rugby kuncoba kumdlalo wekugcina we 2019 Rugby World Cup Final lebeyibhekiswe eNgilandi.[2]

Ngenyanga yeNgongoni emnyakeni wa 2019, Kolisi wabitwa eluhlwini lwe-New African magazine lwebantfu labangu 100 base-Afrika labanemtselela lomkhulu. Ngenyanga yaMabasa nga 2023, Kolisi waniketwa i-National Order of Ikhamanga nguHulumende wase Ningizimu Afrika ngekusekela kwakhe i-rugby. Nga-Okthoba 2023, Siya Kolisi wahola iNingizimu Afrika emdlalweni wesine wendzebe yemhlaba ye rugby eParis, eFrance, waba ngukaputeni wesibili kunayo yonkhe leyayiwina ngekulandzelana. Kolisi ungulomunye wabadlali labangu-44 labake bancoba i-Rugby World Cup emahlandla lamanyenti kantsi futsi ungulomunye wabadlali labangu-25 baseNingizimu Afrika labake bancoba[3]

Imphilo yakhe yasekucaleni

hlela

Kolisi wakhulela eZwide, iBhayi, lidolobha lelisedolobheni lase Port Elizabeth. Make waKolisi, Phakama, bekaneminyaka lengu-16 budzala ngesikhatsi kutalwa Siya kantsi babe wakhe Fezakele bekasemnyakeni wekugcina esikolweni. Make waKolisi washona ngesikhatsi aneminyaka lelishumi nesihlanu budzala,[4] washiya gogo wakhe, Nolulamile, kutsi amkhulise.[ Ngesikhatsi aneminyaka lelishumi nakubili budzala, wajabulisa ema scouts emncintiswaneni webantfu labasha eMossel Bay waphindze waniketwa litfuba lekufundza esikolweni iGrey Junior ePort Elizabeth. Ngekuhamba kwesikhatsi waniketwa sifundvo se rugby eGrey High School, lapho khona Graeme Pollock wase Ningizimu Afrika kanye naMike Catt wase Ngilandi. Kolisi abelilunga lelicembu le-rugby lelisesikolweni lesiphakeme. Bekaphindze abe yincenye ye Eastern Province Kings emkhatsini wa 2007 na 2009, adlala ku Under-16 Grant Khomo kanye na Under-18 Craven ngaphambi asuke aya eWestern Province. [5] Waphindze wamelela licembu lesive laseNingizimu Afrika lalabangaphasi kweminyaka lelishumi nesiphohlongo (licembu leSA Schools) iminyaka lemibili lelandzelanako.[6]

Umsebenti welicembu

hlela

Kolisi wacala kudlala ema-Western Province ngesikhatsi adlala ne-Golden Lions emdlalweni we-Vodacom Cup nga-2011 kwatsi muva kuleyo minyaka wabanjwa kulimala lokunyenti lokwamenta wacala kudlala emdlalweni we-Currie Cup. Wenta 13 wemidlalo waphindze wafaka 4 wemagoli ngesikhatsi semkhankaso kufaka ekhatsi ligoli lelimcoka ngesikhatsi ahlangana ne Blue Bulls. [7]

Ngemnyaka wa 2012 Kolisi wabhalisela i-Stormers, wavele wafaka ligalelo ngekushesha ngekudlala imidlalo lelishumi nesitfupha ngesikhatsi semnyaka, wafaka ligoli linye. Incenye yesibili yemnyaka ayizange imjabulise njengoba kulimala kwemunwe kwamenta wangenela umdlalo munye kuCurrie Cup nga 2012 futsi bekumele abuke eceleni njengoba leSifundza siphakamise indzebe yesigaba sabo semashumi lamatsatfu nakutsatfu seCurrie Cup. [8]

Kolisi wabuyela emuva ngemnyaka lolandzelako waphindze wabamba indzawo yakhe ehlangotsini lweStormers nanobe bekunemncintiswano lomkhulu emkhatsini webahlaseli. Kuba yincenye yelicembu le Springbok ku 2013 Rugby Championship kwakusho kutsi wadlala kuphela ku 3 wemidlalo yekugcina ye Western Province ku 2013 Currie Cup futsi bekangakhoni kubavimbela kutsi bangehluleki kuncoba i Sharks ngemalengiso nga 33 - 19 kumdlalo wekugcina walomncintiswano. [8]

Kolisi wakhetfwa waba ngukaputeni lomusha weStormers mhlaka 20 Indlovana 2017. [1]Wakhetfwa waba ngukapteni lomusha weSpringboks mhlaka 28 Inkhwenkhweti 2018, waba ngukapteni wekucala lomnyama kulelicembu leminyaka lelikhulu nemashumi lamabili nesitfupha. [9] Bryan Habana, lobekadze angulomunye we Springbok kanye nemhlanga lohlanganisiwe, wadvumisa kubekwa kwa Kolisi: "Sikhatsi lesihle kakhulu emdlalweni we rugby eNingizimu Afrika, kanye nesikhatsi emlandvweni waseNingizimu Afrika".[10]

Kolisi bekasebhodini lebacondzisi be MyPlayers Rugby, lokuyinhlangano yebadlali babo bonkhe badlali be rugby eNingizimu Afrika[11].

imitfombo yelwati

hlela
  1. ↑ 1.0 1.1 "SA Rugby Match Centre – South Africa 30–17 Scotland". South African Rugby Union. 15 June 2013. Retrieved 2 December 2016.
  2. ↑ Mjikeliso, Sibusiso. "Siya Kolisi reveals Dan Carter's influence in decision to join Racing 92". News24 Sport. Retrieved 9 September 2023.
  3. ↑ Shine, Ossian (2 November 2019). "A Rainbow Nation turns golden as Siya Kolisi lifts the World Cup". Brisbane Times. Retrieved 2 November 2019
  4. ↑ Ray, Craig (6 June 2018). "Siya Kolisi: 'We represent something much bigger than we can imagine'". The Guardian
  5. ↑ "Kolisi's living the dream". SA Rugby Mag. 13 June 2013. Retrieved 10 December 2013.
  6. ↑ "Kolisi – a Green & Gold, father & son reunion". Supersport. 12 June 2013. Retrieved 10 December 2013.
  7. ↑ Siya Kolisi itsrugby.co.uk Player Statistics". itsrugby.co.uk. Retrieved 10 December 2013.
  8. ↑ 8.0 8.1 "WP's Kolisi out for the season". Sport 24. 26 August 2012. Retrieved 10 December 2013.
  9. ↑ Siya Kolisi: South Africa name first black Test captain for England series". BBC Sport. 28 May 2018. Retrieved 6 October 2018.
  10. ↑ Jones, Chris (9 June 2018). "South Africa v England: Siya Kolisi - the Springboks captain uniting a country". BBC Sport/BBC Radio 5 Live. Retrieved 9 June 201
  11. ↑ SIYA KOLISI IS OFFICIALLY A SHARK". The Sharks. 17 February 2021. Retrieved 14 April 2021
Kutsatfwe ku "https://ss.wikipedia.org/w/index.php?title=Siya_kolisi&oldid=40808"