Umyalo

  Mduduzi Edmund Tshabalala (17 January 1978 - 18 September 2016), lobekatiwa ngaMandoza, bekangumculi we-kwaito wase Ningizimu Afrika. Kantsi bekatiwa ngekufaka sandla emculweni weKwaito kanye nemculo wakhe lomnyenti, kufaka ekhatsi "Nkalakatha", Uzoyithola Kanjani, Tornado, "Sgelekeqe", "Ngalabesi", "Godoba", "Tsotsi Yase Zola" kanye "Indoda", lokwahola emashadi eNingizimu Afrika nakuyo yonkhe lelivekati lase-Afrika. I-albhamu yakhe yesibili i-Nkalakatha, leyakhululwa ngemnyaka wa-2000, yaba yi-albhamu letsengiswa kakhulu emsebentini wakhe, yatsengisa emakhophi langu-350 000.

Kantsi sekune-biopic lelandzisa ngekuphila kwaMandoza lenesihloko lesitsi Nkalankatha: The Life of Mandoza yabonwa kwekucala ku-BET (DStv Ch.129) mhlaka 16 Ingci 2023, lapho khona Wiseman Mncube amchaza.

Kufa

Mandoza washona mhlaka 18 Inyoni 2016. Kantsi ngekusho kwemndeni wakhe, bekelashwa umdlavuza wepharyngeal ngaphambi kwekutsi ashone futsi walahlekelwa kubona. Mandoza walindza cishe ema-awa lamatsatfu kute atfole i-ambulensi ekhaya lakhe, njengendlela yekugcina umphatsi wakhe wasebentisa imoto yakhe kuyotfwala Mandoza amyisa esibhedlela kepha washona emotweni ngaphambi nje kwekutsi afike eSibhedlela se-Charlotte Maxeke Johannesburg Academic.