Wicknell Chivayo
Wicknell Chivayo (1982) ungusomabhizinisi waseZimbabwe lowatfola ludvumo ngemuva kwekutfolo tinkontileka letinkhulu tahulumende wase Zimbabwe. Kwabikwa kutsi i-Energy and Power Development Minister yase-Zimbabwe Samuel Undenge wacindzetela iZimbbabwe Power Company (ZPC) kutsi ikhokhe inkampani ya-Chigua lebitwa ngekutsi yi-Intratek Zimbabwe tigidzi temarandi lasihlanu ngaphandle kwesicinisekiso selibhange.
Umlandvo kanye nemsebenti wakhe
hlelaNgo 2018, Ndvunankulu weTemandla naGezi eZimbabwe Mnumnzane Simon Khaya-Moyo watsi sivumelwano emkhatsini we- Zimbabwe Electricity Supply Authority'n ZPC kanye na-Chivayo sakhulunyiswana kuKhabhinethi (hulumende) kanye nalona lowamlandzela, iNdvuna Samuel Undenge, yehlulekile kuniketa inchazelo leyenetisako kutsi kungani iZPC ichubeka nekukhokhela Chivayo ngesikhatsi kute inchubekelembili leyentiwe endzaweni yemsebenti. Ngemhlaka 22 kuBhimbidvwane 2018 kwabikwa kutsi i-ZPC ikhokhe tigidzi letingu-$7 esikhundleni setigidzi leti- $5 lebetibikwe ekucaleni. Chivayo wasekela licembu lesive laseZimbabwe kepha ngekuhamba kwesikhatsi wasusa lolusito. Chivayo bekayincenye yebalaleli lebebakhona emhlanganweni lobewubanjelwe ngumengameli waseZimbabwe Emmerson Mnangagwa.
Imphikiswano
hlela
Ngemnyaka wa 2017 i-Zimbabwe Electricity Supply Authority (ZESA) kanye neliPhalamende laseZimbbabwe bacwaninga tinkontileka ta-Chivayo temandla agezi lebetihlanganisa inkontileka yemandla ase-USD $ 200 wetigidzi temadola aseGwanda, lidolobha lelincane laseZimbabwe kanye naletinye tinkontifiketi temagesi lebetibita ngetulu kwetigidzigamu temarandi letingu-600 letingakaze tiletfwe. Ngasekupheleni kwaBhimbidvwane 2018, mabhalane jikelele we-Energy Sector Workers' Union of Zimbabwe (ESWUZ), Gibson Mushunje, watsi Chivayo bekatsintseka etinkontileka temandla letifinyelela ku-USD $ 684 wetigidzi. Chiyavo uyatsandza kugcoka tintfo letibitako. Ngenyanga yeNdlovu ngo 2018, Chivayo wadvuma ngekutsenga ticatfulo letibita R20 000 eNingizimu Afrika wase utifananisa na-Adolf Hitler ngekuba neticatfutsi letinyenti
Kuboshwa
hlelaNgo-2004 Chivayo wabekwa licala lekukhwabanisa lokufaka ekhatsi i-ZAR 837 000 Rands yaseNingizimu Afrika kantsi labanye bebakholwa kutsi lemali yendlula iR2 000 000 ye-Rands leseNingizimu Africa futsi waboshwa ejele laseChikurubi, lijele leliphephile kakhulu eZimbabwe. Ngenyanga yeNgongoni nga-2017, Chivayo waboshwa ngetulu kwetigidzi temadola aseMelika.
Tindzaba tepolitiki taseZimbabwe
hlelaChivayo wabuta Nelson Chamisa simemetelo sakhe emhlanganweni we-Movement for Democratic Change kutsi iZimbabwe itawuba netitimela letinetibhamu. Grace Mugabe, lobekangumfati wekucala waseZimbabwe kukholelwa kutsi uhlobene naChivayo. I-Energy Sector Workers Union yaseZimbabwe yasola i-Zimbbabwe Electricity Transmission and Distribution Company (ZETDC) ngekuniketa imali ku-Chipua na-Grace Mugabe. Chivayo wacolisa ku Jonathan Moyo lobekangundvunankhulu wetemfundvo lephakeme futsi wanikela ngetintfo tekufundzisa letibita $50 000 esikolweni saseTsholotsho, intfutfuko lebeyibonwa njengekusekela licembu leZANUńPF leSitukulwane 40 (G40)
Imphilo yakhe
hlelaNgemnyaka wa 2017 Chivayo washada na Sonja Madzikanda futsi kwabikwa kutsi imali yemakoti lengu-USD$50 000 yakhokhwa. Umculi lodvumile wemhlaba wonkhe Oliver Mtukudzi wahlabela tivakashi emshadweni waChivayo. Ngemnyaka wa 2018 Chivayo wenta tindzaba ngekushicilela imiphumela yekuhlola i-DNA yendvodzana yakhe (John Chenjera-Chivayo) kute akhombise kutsi lomntfwana uyindvodzana yayo.