Lindiwe Zulu
Lindiwe Daphney Zulu (watalwa mhlaka 21 Apreli 1958) ungusopolitiki wase Ningizimu Afrika katsi uphindze abe nguNdvunankulu Yekutfutfukiswa Kwemmango. Ngaphambi kwekutsi akhetfwe kulelohhovisi ngaMeyi 2019, bekanguNdvuna Yekutfutfukiswa Kwemabhizinisi Lamancane kusukela nga-2014 kuya ku-2019.
Zulu wangena kutepolitiki ngesikhatsi selubandlululo ajoyina iAfrican National Congress (ANC) kantsi ngulapho waphatsa khona tikhundla letihlukene kufaka phakatsi kuba yinhloko yetekuchumana ye-ANC Women's League ngesikhatsi setinkhulumiswano tekucedza lubandlululo. Kusukela nga-1999 kuya ku-2014, wasebenta etindzabeni talamanye emave njengesisebenti sahulumende kanye nemeluleki wetembusave, kufaka ekhatsi kuba liNxusa laseNingizimu Afrika eBrazil kusukela nga-2004 kuya ku-2009 kanye nekuba ngumeluleki wetindzaba temave emhlaba kuMengameli Jacob Zuma kusukela nga-2009 kuya ku-2014.
Wajoyina Sigungu saVelonkhe kanye neKhabhinethi yesibili yaZuma ngemuva kwelukhetfo lwanga-2014, wacala umsebenti wakhe wekuba ngundvunankhulu. Ulilunga le-ANC National Executive Committee kusukela nga-2007.
Imphilo yasebuntfwaneni hlela
Zulu watalwa mhlaka 21 Apreli 1958 eNhlazatshe lese Eastern Transvaal. Ngemuva kwekutsi takhamuti talesigodzi titfunyelwe ngenkhani eMadeni leseKwaZulu, umndeni wakhe watfutsela eSwaziland. Ngemuva kwekuvukela kwase Soweto nga-1976, linani lelikhulu lebantfu labasha baseNingizimu Afrika bewela umncele baya eSwaziland, futsi Zulu wajoyina i-African National Congress (ANC); umnakabo wajoyina iPan Africanist Congress.[1]
- ↑ Cite error: Invalid
<ref>tag; no text was provided for refs named:1